Góðar fréttir fyrir nýsköpun á Íslandi

Með stolti segjum við frá því að í lok árs 2018 fengu tvö íslensk fyrirtæki SME fasa 2 styrki frá Evrópusambandinu með aðstoð Evris og Inspiralia. Fyrirtækið Curio fékk rúmar tvær milljónir evra fyrir þróun á nýrri fiskvinnsluvél https://curio.is og fyrirtækið Carbon Recycling International (CRI) fékk rúmar 1,8 milljón evra til að þróa áfram aðferðir til að  vinna endurnýtanlegt metanóli úr koltvísýringi http://www.carbonrecycling.is/

Eftirtalin fyrirtæki fengu SME fasa 1 styrk að upphæð 50 þúsund evra hvert um sig: Mussilla, Hefring, Valka og Svarmi.

Samtals hafa því íslensk fyrirtæki, með aðstoð Evris og Inspiralia, fengið 10,8 milljónir evra í fasa 2 styrki eða einn og hálfan milljarð íslenskra kr (sjá feitletruð). Samtals styrkveitingar í fasa 1 eru 2,150 evra eða samtals 289 milljónir íslenskra króna mv. gengi 4. febrúar 2019.

Activity tream, Aurora Seafood, Genís, Skaginn3X, Men&Mice, DT Equipment, DoHop, EpiEndo, SideKick health, eTactica, Stálsmiðjan-Framtak, Jakar, Kjarnar,  Ekkó toghlerar, Saga Medica, Erki tónlist, Info Mentor, GeoSilica, Memento, Navis, Fisheries Technology, Taramar, Medilync, SAREYE, Þula, Keynatura, Seafood IQ, IceCal, Curio, CRI, Asco Harvester, Naust Marine, Seagem, Platome, Oz, D-Tech, SYNDIS, Mussilla, Valka,  Hefring, Svarmi.

Við óskum styrkhöfum innilega til hamingju og minnum á að við erum byrjuð að ganga frá samningum við fyrirtæki sem vilja sækja um SME fasa 1 eða Fast Track to Innovation styrk í byrjun maí.

Við verðum með kynningarfund 14. febrúar þar sem öll þjónusta Evris og Inspiralia verður kynnt.


Næsti kynningarfundur

Næsti kynningarfundur Evris og Inspiralia um evrópska styrkjamöguleika verður haldinn miðvikudaginn 28. nóvember n.k. í Íslenska Sjávarklasanum, Grandagarði 16. Fundurinn hefst kl. 9 og lýkur um 10.30 en í framhaldi af honum verður boðið uppá einkafyrirtæki þar sem fyrirtæki geta rætt styrkjamöguleika sína við sérfræðing Inspiralia, Guillermo Palacios. Kynningarfundurinn fer fram á íslensku og ensku, aðgangur er ókeypis en við biðjum áhugasama að skrá sig hér:

https://goo.gl/forms/yCtotyem1gYNj1jr1

Góður árangur í september og október

Þrjú íslensk fyrirtæki komust í gegnum SME fasa 1 í september sl með aðstoð okkar hjá Evris og Inspiralia. Það eru OZ, D-Tech og Syndis og óskum við þeim innilega til hamingju með góðan árangur og við hlökkum til að fylgja þeim áfram í fasa 2 og svo alla leið að endamarkinu sem er hinn stóri styrkur. Eftirtalin fyrirtæki hafa áður komist í gegnum fasa 1 með okkar aðstoð:

Platome, Íslensk hollusta, Naust Marine, Asco Harvester, Aurora Seafood, Genís, Skaginn, Men&Mice, DT Equipment, DoHop, EpiEndo, SideKick health, eTactica, Stálsmiðjan-Framtak, Jakar, Röst, Ekkó, Saga Medica, Erki tónlist, Info Mentor, GeoSilica, Memento, Navis, Fisheries Technology, Taramar, Medilync, SAREYE, Þula, Activity Stream, Seafood IQ, IceCal, Curio og Carbon Recycling International.

Fjögur íslensk fyrirtæki komust svo í gegnum SME fasa 2 í október með okkar aðstoð. Þau eiga hinsvegar eftir að komast yfir síðasta hjallann til að fá stóra styrkinn, þ.e. að halda sk. fjárfestakynningu í Brussel þar sem endanlega er skorið úr um hvort fyrirtækin fá styrkinn. Nöfn fyrirtækjanna eru ekki gefin upp að svo stöddu en við óskum þeim velfarnaðar í Brussel í næstu viku.

Erlendir fjárfestar og dreifingaraðilar

Samstarfsaðili Evris, fyrirtækið Toro Ventures, sérhæfir sig í tengja saman fyrirtæki í nýsköpun og erlenda fjárfesta og dreifingaraðila. Fyrirtækið er í eigu sömu aðila og Inspiralia sem hefur náð einstökum árangri við að sækja evrópska styrki til íslenskra nýsköpunarfyrirtækja (sjá hér neðar).

Toro Ventures er ráðgjafafyrirtæki sem aðstoðar lítil og meðalstór fyrirtæki við sókn á alþjóðlega markaði, annað hvort með því að koma þeim í sambandi við stórt net alþjóðlegra fjárfesta sem hafa þekkingu og tengsl inn á viðkomandi markaði og/eða dreifingaraðila einkum í Evrópu, Bandaríkjunum og suður Ameríku. Starfsfólk Toro Ventures hefur langa reynslu af því að fylgja fyrirtækjum í nýsköpun í vegferð þeirra til alþjóðavæðingar.

Sérfræðingur Toro Ventures, Luis Enrique, verður hér á landi dagana 23. - 26. október til að funda með íslenskum fyrirtækjum sem hafa áhuga á að nýta sér þjónustu fyrirtækisins. Um þessar mundir er Toro Ventures með fjárfesta sem hafa áhuga á að fjárfesta í fyrirtækjum sem sérhæfa sig í “IoT, Big Data, Analytics, machine learning, biometrics, drones, photonics and robotics”

Toro Ventures hefur einnig greiðan aðgang að dreifingaraðilum fyrir vörur sem snúa að orku- og bættri orkunýtingu, tæknilegum lausnum í sjávarútvegi og landbúnaði, byggingageiranum, ýmiskonar heilsutengdum vörur og margt fleira.

Þeir sem hafa áhuga á að funda með Luis sendi tölvupóst á framkvæmdastjóra Evris, Önnu Margréti í netfangið annamargret@evris.is

Fáðu fjármagn!

Poppins & Partners í samstarfi við Evris kynna Fáðu fjármagn!

Ráðstefnu- og vinnustofudagur þar sem fjallað verður um fjármögnun sprotafyrirtækja.

Dagsetning: 4. október 2018 
Staðsetning: Hilton Nordica Reykjavík
Tími: 8:45 - 12:00 (vinnustofur hefjast kl. 13/14)
Verð: 15.900 kr.

NOTAÐU KÓÐANN POPPINS15 TIL AÐ FÁ 15% AFSLÁTT AF MIÐAVERÐI. 
Fyrirlesarar verða Kolbrún Hrafnkelsdóttir, stofnandi Florealis, Hekla Arnardóttir, Founding Partner hjá Crowberry Capital, Guðmundur Hafsteinsson, yfirmaður vöruþróunar á Google Assistant, englafjárfestir og nýskipaður formaður stýrihóps um mótun nýsköpunarstefnu fyrir Ísland, Ásdís Guðmundsdóttir, sérfræðingur hjá Atvinnumálum kvenna, Ingi Rafn Sigurðsson, stofnandi Karolina Fund og Paula Gould, sérfræðingur í markaðssamskiptum. Fundarstjóri verður Anna Margrét Guðjónsdóttir, framkvæmdastjóri Evris.
Seinni hluta dags verða vinnustofur í gerð fjárfestakynninga, undirbúningi hópfjármögnunar-herferða og styrkumsóknaskrifum fyrir þá fyrstu sem skrá sig, en aðeins 20 sæti verða í boði á hverja vinnustofu.

Bakhjarlar ráðstefnunnar eru Atvinnumál kvenna, Frumtak, Nýsköpunarsjóður atvinnulífsins (NSA) og Svanni lánatryggingasjóður.

Samstarfsaðilar eru Icelandic Startups, Karolina Fund og Startup Iceland.

Nánari upplýsingar má finna hér: https://www.poppinsandpartners.com/fadu-fjarmagn-2018

Samstarf Evris og Poppins & Partners

Fyrirtækin Poppins & Partners ehf. og Evris ehf. hafa tekið höndum saman með það að leiðarljósi að efla stuðning við nýsköpun á Íslandi. Með markvissu samstarfi sín á milli vilja Poppins & Partners og Evris hámarka samlegðaráhrif þeirrar þjónustu, sem fyrirtækin tvö veita, einkum sprotafyrirtækjum og einstaklingum í nýsköpun. Þjónustan felst m.a. í að undirbúa styrkumsóknir innan lands og utan, sækja annars konar fjármögnun og almennri ráðgjöf.

Bæði fyrirtækin byggja brýr með sprotafyrirtækjum og frumkvöðlum. Poppins & Partners veita sérþekkingu á íslensku fjármögnunarumhverfi, hvort sem um ræðir styrki eða áhættufjármagn auk þess að koma að hinum ýmsum hliðum fyrirtækja í vexti, s.s. stefnumótun, verkefnastjórnun og áætlanagerð. Evris hefur aftur á móti sérhæft sig í að veita aðstoð í að sækja styrki í erlenda sjóði, opna erlenda markaði og miðla alþjóðlegri þekkingu og aðstoð til fyrirtækja og brúa þannig leið þeirra yfir á erlenda markaði.

Á myndinni má sjá Þórunni Jónsdóttur frá Poppins & Partners og Önnu Margrét Guðjónsdóttur frá Evris þegar samstarfssamningurinn var undirritaður.


Ný fyrirtæki bætast á listann

Fyrirtækin Skaginn hf og DT Equipment bættust í hóp þeirra íslensku fyrirtækja sem Evris og Inspiralia hafa aðstoðað við að sækja og fá stóra styrki frá ESB til vöruþróunar og undirbúnings alþjóðlegrar markaðssetningar. 

Eftirtalin fjögur fyrirtæki hafa fengið fasa 2 styrki með aðstoð Evris og Inspiralia samtals að fjárhæð € 6.721.068 eða ÍSK 834.622.224 (gengi 7 ágúst 2018):

Skaginn hf (€ 2.083.055), DT Equipment ehf (€ 1.405.469), Genis hf (€ 1.526.271) og Aurora Seafood ehf (€ 1.705.778).

Eftirtalin fyrirtæki hafa fengið fasa 1 styrki með aðstoð Evris og Inspiralia, hvert að fjárhæð € 50.000 eða ÍSK 6.209 (gengi 7. ágúst 2018). Samtals styrkir eru því € 1.650.000 eða ÍSK 204.897.000.

Platome, Íslensk hollusta, Naust Marine, Asco Harvester, Aurora Seafood, Genís, Skaginn, Men&Mice, DT Equipment, DoHop, EpiEndo, SideKick health, eTactica, Stálsmiðjan-Framtak, Jakar, Röst, Ekkó, Saga Medica, Erki tónlist, Info Mentor, GeoSilica, Memento, Navis, Fisheries Technology, Taramar, Medilync, SAREYE, Þula, Activity Stream, Seafood IQ, IceCal, Curio og Carbon Recycling International.

Tvö íslensk fyrirtæki fá stóra styrki

Þær góðu fréttir bárust í síðustu viku að tvö íslensk fyrirtæki fái styrki samtals uppá 3,5 milljónir evra til þróunarstarfs og undirbúnings alþjóðlegrar markaðssetningar.  Á þessu stigi gefum við ekki upp hvaða fyrirtæki það eru en hér er listi yfir þau 35 fyrirtæki sem hafa fengið hafa ESB styrki fyrir tilstilli Evris:

Aurora Seafood, Rafnar, Genís, Skaginn3X, Men&Mice, Laki, Icewind, Gerosion, DT Equipment, DoHop, EpiEndo, Marorka, SideKick health, Klappir, eTactica, Stálsmiðjan-Framtak, Jakar, Röst, Ekkó, Saga Medica, Erki tónlist, Info Mentor, GeoSilica, Memento, Navis, Fisheries Technology, Taramar, Medilync, SAREYE, Þula, Activity Stream, Seafood IQ, IceCal, Curio og Carbon Recycling International.