Genís komið á lista yfir úrvals fyrirtæki

Fyrirtækið Genís á Siglufirði varð fyrst íslenskra fyrirtækja að komast í gegnum SME fasa 2 umsóknarferli Evrópusambandsins frá því nýjar verklagsreglur tóku gildi í ársbyrjun 2018.

Reglurnar eru þannig að nú þurfa forráðamenn fyrirtækja sem skora hæst, í mati á umsóknum, að fara til Brussel og halda kynningu fyrir dómnefnd, á verkefninu eða vörunni og sanna að fyrirtækið á bak við hugmyndina geti komið henni á alþjóðlega markaði.

Við óskum Genís til hamingju með að hafa komist í gegnum þetta nálarauga!

Íslensk fyrirtæki ná í gegn með Inspiralia

Inspiralia kom inn á íslenskan markað um mitt ár 2016. Á fyrsta ári fyrirtækisins hér á landi skrifuðu þau styrkumsóknir fyrir 21 íslenskt fyrirtæki í sk. SME Instrument H2020. Í lok ársins voru 12 fyrirtæki komin með vilyrði fyrir styrk og þrjú til viðbótar ansi nálægt því. Það er gífurleg samkeppni um þessa styrki og árangur Inspiralia því einstakur og sannar að sóknarfæri íslenskra fyrirtækja í styrkjaumhverfi ESB miklir sé rétt á málum haldið.

Nýtt verkefni fer af stað

Í byrjun árs 2017 hófst nýtt Erasmus+ verkefni sem Evris ses heldur utan um. Verkefnið heitir "Catch the BALL" og er framhald af hinu velheppnaða "BALL" verkefni sem lauk í september á siðasta ári. Samstarfsaðilar okkar í þessu nýja verkefni eru U3A Reykjavík, Tæknigarðarnir við háskólann í Kaunas í Litháen og breska fyrirtækið MBM Training and Development.